كتب إبراهيم عيسى
بحبك كلمة من أربع حروف
بحبك من غير ما افتح واشوف
بحبك بعدد النقط والحروف
بحب فيكي نظرتك وقت الكسوف
لما بشوفك عقلي بيطير
ويبقي عليكي ملهوف
لو حد قرب منك أو
بس كلمك بيملاني الخوف
بحبك كلمة من أربع حروف
بحبك وحبك عندي غالي
بحبك ومقامك عندي عالي
بحبك وعاوزك جنبي
وعلي يميني وعلي شمالي
إنتي اللي حبك جنني
و ربي هو اللي عالم بحالي
بقيت بحلم بيكي وبفكر
فيكي أيام وليالي
مش عارف اللي فيا
ولا عارف ايه جرالي
بحبك كلمة من أربع حروف
كل حرف ملاني شوق
وكل لحظة في بعدك
يبقي تعبان ومخنوق
وبدور عليكي ولما
بشوفك برجع أفوق
لما بتبقي قدامي بيبقى
الزمن مني مسروق
ب بداية غرام وشوق
ح حرمان من وقت الشروق
ب بداية ظهور قمر مخنوق
ك كفاية قلبي محروق
من بعدك تعبت خلاص
نفسي اشوفك وافوق
بحبك كلمة من أربع حروف
بدور عليكي في كل مكان
نفسي أشوفك بعيني
والقمر أخيرا يبان
لما بشوفك بفرح
وبحس إني بقيت إنسان
ببقي مش حاسس بحالي
واحس أن جالي جنان
بنسي كل اللي حواليا مهما
كانو وببقي في توهان
حبك عايش جوايا
متخافيش عليه منصان