نيفين ناصر تكتب متابعة عادل شلبى محطة_مياه_بحر_البقر بشرق التفريعة .. والتى تعد الأكبر افريقيا.. و بها دخلت مصر موسوعة جينيس للأرقام القياسية .. وهى الاضخم من حيث نوعها على مستوى العالم .. بتكلفة 20 مليار جنية وبطاقة انتاجية 6 ,5 مليون متر مكعب يوميا من المياه المعالجة ثلاثيا و سيتم نقلها لارضى شمال سيناء لاستصلاح 500 ألف فدان (المشروع القومي لتنمية سيناء) لتعزيز منظومة الاستخدام الأمثل للموارد المائية لمصر ..
كان الرئيس السيسى أعلن عن افتتاحها من ايام .. ووجه كلامه للقوات المسلحة قائلا .. (من فضلكم أثناء عمل الشركات أمنوهم .. لأن هذا المشروع يضيف أكثر من 500 مليون فدان بنظم حديثة ومتطورة وهو ما يستدعى توفير فرص عمل وتواجد سكانى للناس).. وتابع (أن كل حاجة متأمنة بس بنقول علشان الأشرار يعرفوا أننا بنأمن بشكل قوى)
وخلال افتتاح المحطة اليوم
وجهه الرئيس رسائل قوية وحاسمة للحكومة والمواطن..
بدئها قائلا ..
يا مصريين شوفوا الحاجة بتتعمل إزاى .. بنفاصل مع الناس علشان المقاولة كلها تتخفض .. والعمل اللى بيتعمل على الأرض وشبكة الكهرباء والمحولات عمل كبير قوى فوق الخيال.. عاوز اخليكم تفرحوا بقدراتكم .. واللى بيتعمل والله العظيم حلم وكرم كبير قوى من ربنا علينا علشان نعمله ..
باقى إن إحنا نزرعه ..
التنمية فى سيناء كانت فى قمة الأولويات ضمن خطة توسيع الرقعة السكانية وتوطين الشباب خارج الوادى والدلتا .. و المشروعات التى شهدتها سيناء لإعادة إعمارها تكلفتها 700 مليار جنيه مصرى خلال الفترة الماضية ..
لن نقبل بالتعديات على المنشآت المائية ..الدولة تسابق مع الزمن لتطوير المنشآت المائية بالكامل لاستفادة المواطن فى الزراعة والمشروعات
كل التعدى على المنشآت بتاعت الجسور والترع ومنشآت الرى خلال الـ 20 سنة .. لازم آخد تمام من وزارة الداخلية والمحافظة خلال 6 شهور إن الكلام ده اتشال .. والأمر لو تطلب نزول الجيش لاسترداد أصول الدولة هنعمل كده ..
احنا مش هنتحايل على حد .. هو حد يغتصب أرض الدولة ونقول علشان خاطر مصلحتهم أصل هم حياتهم مهددة بالخطر هو أنت تاخد حق الدولة واتحايل عليك ..
التعامل مع المواطنين أصحاب التعدى بكل حزم ووقف كل الدعم المقدم من الحكومة من خبز او دعم تموينى او غيره لمن يخالف أو يتعدى على الأراضى الزراعية أو الترع والمصارف ..
أنا بقول الكلام ده ليه.. لأن ده مصحلة وطن ومصلحة بلدنا وبالتالي أي ممارسات غير مسئولة مش مقبولة ..
أنا مبعرفش أطنش .. ولو كنت أعرف أطنش كنت طنشت فى 2011 و2012 و2013 .. ومفيش خصومة غير على الظلم وأي حد يتعدى على أملاك الدولة..6 شهور وهتتشال كل حاجة غلط فيكي يا مصر
انا بيني وبين الشر والباطل والظلم خصومة وليس بيني وبين أي شخص خصومة .. البلاد مبتجيش بالطبطبة دي بتيجي بالجدية والالتزام والعمل ..
احنا بنتألم بسبب استصلاح الأراضى الزراعية مكلف ..
الـ160 مليار جنيه تكلفة معالجة المياه لاستخدامها في الأراضي الزراعية تكفي 500 ألف فدان .. عرفتوا ليه إحنا بنتألم على التعدى على الأراضي الزراعية ..
استصلاح الأراضي الزراعية مكلف على الدولة جدا ويحتاج نظم ري حديثة وشبكات مياه لأن زراعة الـ100 مليون فدان تصل تكلفتها عدة مليارات.
الدولة عملت اللي مفيش مستثمر يقدر يعمله ..
زراعة الفدان هتجيب كام 20 أو 30 ألف جنيه .. ومفيش مستثمر هيدفع فلوس كتيرة علشان دخل قليل .. هيحط الفلوس فى البنك أحسن..
واسمحولي أشكر الله سبحانه وتعالى على التوفيق الكبير على النجاحات على كامل الأراضي المصرية ..
حجم المياه اللي جايلنا مش كتير ومش هيتغير ..
شيلوا التعدي.. بدل ما احنا نشيله وندفعكوا تمنه شيله ..
العمل الهندسي والإنشاءات التي تعمل من أجل نقل المياه يتم من خلال عمل ترعة كممر ويتم ردمها حتى يتم توصيل المياه لسيناء .. عرفتوا ليه الإرهاب فى سيناء عشان ميكونش فيها تنمية.. والحرب حربين.. الإرهاب والتنمية ..
كل ده بتكلفة المليارات.
القوات المسلحة تنظم أعمال التنمية وقوات تأمين لمواجهة خطر الإرهاب .. لأن الصراع موجود بين الإرهابيين والأشرار والتنمية في سيناء.. وسوف تستمر قوات التأمين في عملها حتى تنتهي المشروعات وبعدها ايضا ..
حفظ_الله_مصر شعبآ وجيشآ ونيلآ عظيمآ