recent
أخبار اليوم

قصيدة على فين يا دنيا | جريدة اللواء العربى




بقلم : محمد صلاح ربيع


على فين يادنيا موديانا ولفين يادنيا هترسي بينا العمر كله مغلبانا وعلطول يادنيا بتيجى علينا مشينالك بلاد ومحدش كان معانا واول ما اخدتى الغرض رمتينا. اتاريكى يادنيا كنتى ظالمانا وبسببك بعدنا عن أقرب ما لينا قوتنا الأهل والآحبة نسيناهم زى ما عودتينا . الحزن عايش معانا والفرح غايب عن ليالينا . قلوبنا تاهت فى حاراتك . دموعنا عاشت ذكرياتك . وألامنا لسه بتعزف أغانينا . راحوا الحبايب ومعدش فاضل غير صورهم نبص لها تخفف علينا . خطاويكى يادنيا مرسومة على الجبين مقسومة بس ياريتك ما عشمتينا . 


 على قد ما جرينا وراكى جيبتى عالينا واطينا. على فين يادنيا موديانا ولفين يا دنيا هترسى بينا. عمر الخوف ما كان معانا. دلوقتى عايش وسطينا . رمش العين خايف يغمض . يصحى يلاقيكى بتساومينا . مابين راحة البال اللى تاهت وغابت . والمال اللى خلى نفوسنا بقت رهينة . عمرك يا دنيا ماهتحسى بينا . لانك بساطة آلة وبتفرمى فينا . على فين يادنيا موديانا . ولفين يادنيا هترسى بينا .

google-playkhamsatmostaqltradent