recent
أخبار اليوم

في الاخر | جريدة اللواء العربى


محمد عنانى 

وفى الآخر أنا إنسان

وعندى قلب ليا كيان

معاهم عقل والوجدان

وملامحى عليها يبان

سنين العمرواللى كان

واللى عشته لِيَاَ زمان

وبأعشق وحدتى علشان

ما أحبش زور ولا بُهتان

ولا أمشى سِكة التوَهَان 

مع اللى بيعزفوا الألحان

وواخدين النفاق عنوان

وبين الفرحه والأحزان

بقيت سارح أنا وحيران

ساعات ألقا لنفسى مكان

مابين الخلق فى الأكوان

أو أوقات ماليش عنوان

ومتغرب فى أى مكان

لاجل اللقمه أكون تعبان

فى همومى أبات غرقان

وأوقات تانيه أكون فرحان

زى الطير وهات طيران

تااخدنى الدنيا بالأحضان

وفى الآخر بااكون إنسان

وباحلم إنى أعيش بأمان

ولو حتى مانيش شبعان

ويفضل لى الوطن عنوان

google-playkhamsatmostaqltradent